• All Books 2,328
• Read 261
• Currently Reading 4
• To Read 2,035
• Given Up 9
• Favourites 10/10
• Next 10 5/10
• Wishlist 18
• Recommendations 59

by Meilyr Powel a Gethin Matthews

To Read

Hanesyddiaeth a Chrefft yr Hanesydd

Mae’r gyfrol hon yn cynnwys casgliad o benodau gan nifer o haneswyr ac ysgolheigion sydd yn cyflwyno rhai o brif themâu a chysyniadau hanes. Gan ddwyn y teitl Llunio Hanes, mae’r gyfrol yn archwilio a chrynhoi’r gwahanol ffyrdd y mae haneswyr wedi ysgrifennu, ac yn parhau i ysgrifennu, hanes. Yn ei hanfod, dyma gyflwyniad i hanesyddiaeth – yr astudiaeth o ysgrifennu hanes – gyda’r nod o ymgynefino’r darllenydd ag ‘offer’ yr hanesydd, ac i esbonio’r fethodoleg y tu ôl i ddeongliadau hanesyddol. Mae’r awduron yn tywys y darllenydd ar hyd llinyn amser, gan dynnu ar agweddau Ewropeaidd a thu hwnt er mwyn olrhain datblygiad hanes fel disgyblaeth proffesiynol. Wrth archwilio hanes cenedlaethol, hanes Marcsaidd, hanes o’r gwaelod, hanes llafar, hanes menywod, hanes diwylliannol, ôl-strwythurol, y darostyngol a’r hollfydol, mae’r gyfrol yn ystyried sut y mae meysydd a disgyblaethau eraill yn dylanwadu ar grefft yr hanesydd.